Elpress.az xəbər verir ki, indiyədək Mənzil İnşaatı Dövlət Agentliyinin (MİDA) “Güzəştli mənzil” sistemi vasitəsilə 12 minə yaxın ailə mənzil sahibi olub.
Agentliyin Aparat rəhbəri Cəmşid Əmirovun sözlərinə görə, indiyədək 11 güzəştli mənzil layihəsi tamamlanıb. MİDA-nın layihələri Bakı ilə yanaşı, regionları da əhatə edir. Belə layihələr Hövsan və Saray qəsəbələrində, həmçinin Naxçıvan şəhərində həyata keçirilib.Cəmşid Əmirov bildirib ki, növbəti mənzil satışlarının ilin sonuna keçirilməsi planlaşdırılır. Satışa çıxarılacaq layihələr barədə məlumatlar qanunvericiliyin tələblərinə uyğun olaraq ən azı 30 gün əvvəl elan ediləcək.Hazırda isə Lənkəran, Şirvan və Yevlax yaşayış komplekslərində ümumilikdə 535 güzəştli mənzilin satışı həyata keçirilir. Satış bu gün saat 16:00-dək davam edəcək.
Qeyd edək ki, mənzillər Lənkəranda 1, Şirvanda 528, Yevlaxda isə 6 mənzildən ibarətdir.
