Aysel Əlibəyli
16 Sentyabr 2026 · 15:49
1002 baxış
Elpress.az xəbər verir ki, “AzərEnerji” ASC-nin İdarə Heyətinin sədri Baba Rzayevin rəhbərlik etdiyi nümayəndə heyəti ilə “TotalEnergies” şirkətinin idarəedici direktoru Emmanuel De Guillebonun rəhbərlik etdiyi heyət arasında görüş keçirilib.
Görüşdə iki qurum arasında mövcud əməkdaşlığın vəziyyəti və gələcək perspektivləri barədə fikir mübadiləsi aparılıb.Müzakirələr zamanı Azərbaycanda yeni inşa olunacaq Qaz Emalı Zavodunun elektrik şəbəkəsinə qoşulması, bununla bağlı texniki məsələlər və enerji təminatının təşkili əsas müzakirə mövzularından olub.Tərəflər əməkdaşlığın genişləndirilməsi və enerji layihələrinin səmərəli icrası ilə bağlı müzakirələrin davam etdirilməsinin vacibliyini vurğulayıblar.
