Mayın 22-də Azərbaycan Respublikası Ədliyyə Nazirliyində sahibkarlıq subyektləri ilə görüş baş tutub.
Elpress.az-ın Apa.az-a istinadən verdiyi məlumata əsasən, Azərbaycan Respublikası Ədliyyə Nazirliyində keçirilən görüşdə sahibkarların üzləşdiyi problemlər müzakirə olunub, onları maraqlandıran suallar cavablandırılıb və qanunvericiliklə bağlı ətraflı məlumat verilib. Tədbirdə biznes mühitinin yaxşılaşdırılması, mübahisələrin həlli mexanizmlərinin təkmilləşdirilməsi, məhkəmə qərarlarının icrasının rəqəmsallaşdırılması və xüsusi icra məmurları institutunun yaradılması istiqamətində görülən işlər diqqətə çatdırılıb. Həmçinin məhkumların peşə təhsili, əmək bazarına inteqrasiyası və işə cəlb olunması ilə bağlı sahibkarların təklifləri dinlənilib.
