Ölkəmiz Prezident İlham Əliyevin rəhbərliyi altında beynəlxalq tədbirlərə uğurla ev sahibliyini davam etdirir. Bakıda təşkil olunan Ümumdünya Şəhərsalma Forumunun 13-cü Sessiyası (WUF13) isə Azərbaycanın şəhərsalma, dayanıqlı inkişaf və rəqəmsal həllər sahəsində getdikcə artan nüfuzunu ortaya qoyur.
Elpress.az-ın Azərtac.az-a istinadən verdiyi məlumata əsasən, Naxçıvan Muxtar Respublikasının rəqəmsal inkişaf və nəqliyyat nazirinin müavini, nazir vəzifəsini icra edən Azər Məmmədrəhimov “Şəhərsalma və Memarlıq İli” çərçivəsində Naxçıvanda keçirilən “Ağıllı şəhər və ağıllı kənd” startap festivalında çıxış edib.O, bildirib ki, Naxçıvan Muxtar Respublikası Rəqəmsal İnkişaf və Nəqliyyat Nazirliyi ilə Naxçıvan Dövlət Universitetinin birgə təşkil etdiyi bu festivalın əsas istiqamətləri qlobal çağırışlarla tam uyğunluq təşkil edir.Qeyd olunub ki, festivalda 60 startap komandası iştirak edir və təqdim edilən layihələr rəqəmsal xidmətlər, süni intellekt texnologiyaları, enerji və su idarəetməsi, kənd təsərrüfatı texnologiyaları, təhlükəsizlik sistemləri, ekoloji həllər və innovativ şəhər infrastrukturu kimi mühüm sahələri əhatə edir.Azər Məmmədrəhimov həmçinin vurğulayıb ki, bu festival dövlət qurumları, universitetlər və innovasiya sahəsində fəaliyyət göstərən gənclər arasında əməkdaşlığın genişlənməsinə mühüm töhfə verir.
