Dəmir yolu ilə sərnişindaşıma ötən ilin eyni dövrü ilə müqayisədə 18 faiz artıb
Elpress.az xəbər verir ki, Azərbaycan Dəmir Yolları ilin ilk səkkiz ayı ərzində 7,3 milyondan çox sərnişinə xidmət göstərib.Yanvar-avqust aylarında sərnişindaşıma göstəricisi ötən ilin müvafiq dövrü ilə müqayisədə 18 faiz artıb. Sərnişinlərin böyük hissəsi Abşeron dairəvi dəmir yolundan istifadə edib. Bu marşrut üzrə 6,9 milyon sərnişin səfər edib ki, bu da illik müqayisədə 17 faiz çoxdur.Rayonlararası qatarlarla 396 min sərnişin daşınıb və bu istiqamətdə 15 faizlik artım qeydə alınıb. Bakı–Tbilisi–Bakı beynəlxalq marşrutu üzrə isə 53 min sərnişin səfər edib.Avqust ayında da sərnişindaşıma göstəricilərində artım müşahidə olunub. Ay ərzində 913 mindən çox sərnişin daşınıb və bu, ötən ilin avqust ayı ilə müqayisədə 24 faiz artım deməkdir.
