Qoşulmama Hərəkatının Gənclər Təşkilatının Katibliyinin fəaliyyətinə dair hüquqi çərçivə müəyyənləşdirilib. Azərbaycanla təşkilat arasında imzalanmış ev sahibi ölkə sazişi Prezident İlham Əliyev tərəfindən təsdiq olunub.
Elpress.az xəbər verir ki, dövlət başçısı “Azərbaycan Respublikası Hökuməti ilə Qoşulmama Hərəkatı Gənclər Təşkilatı arasında Qoşulmama Hərəkatı Gənclər Təşkilatı Katibliyi haqqında Ev Sahibi Ölkə Sazişi”nin təsdiq edilməsi barədə qanunu imzalayıb.
Sənəd 2026-cı il sentyabrın 10-da Bakıda imzalanıb. Saziş Katibliyin Azərbaycanda fəaliyyətinin təşkili və onunla bağlı məsələlərin tənzimlənməsi baxımından əhəmiyyət daşıyır.
Sazişin təsdiqlənməsi Azərbaycanla Qoşulmama Hərəkatının Gənclər Təşkilatı arasında əməkdaşlığın hüquqi əsaslarının möhkəmləndirilməsinə xidmət edir.
