Elpress.az report-a istinaden xəbər verir ki, 2027-ci ilin sonunadək Azərbaycanda 11 yeni enerji stansiyasının elektrik şəbəkəsinə qoşulması gözlənilir.
Bərpa Olunan Enerji Mənbələri Dövlət Agentliyinin sədri Cavid Abdullayev bildirib ki, həmin layihələrin ümumi gücü təxminən 2 giqavat olacaq.Onun sözlərinə görə, Biləsuvar Günəş Elektrik Stansiyasının ilin sonunadək şəbəkəyə qoşulması istiqamətində işlər intensiv davam etdirilir. Neftçala Günəş Elektrik Stansiyası üzrə layihənin isə gələn il tamamlanması planlaşdırılır.Bundan başqa, Naxçıvanda yerli şirkətlər tərəfindən iki enerji stansiyası inşa edilir. Cəbrayıl rayonunda isə hər birinin gücü 50 MVt olan iki günəş elektrik stansiyasında işlər davam etdirilir.
Cavid Abdullayev qeyd edib ki, bütün layihələrin nəzərdə tutulan qrafik üzrə həyata keçirilməsi Azərbaycanın bərpa olunan enerji potensialının artırılmasına və enerji sisteminin gücləndirilməsinə xidmət edəcək.
