Qalatasaray-da bayram günü gəlib çatıb. Super Liqada ardıcıl 4-cü, ümumilikdə isə 26-cı çempionluğunu qazanan “Sarı-qırmızılar” bu gün böyük zəfəri azarkeşləri ilə birlikdə qeyd edəcək.
Elpress.az xəbər verir ki, 2025–2026 mövsümündə Super Liqada dominant çıxış edən Qalatasaray, çempionluğunu mövsümün bitməsinə bir neçə tur qalmış rəsmiləşdirib və indi bu uğuru möhtəşəm tədbirlə qeyd etməyə hazırlaşır.
Tədbir saat 16:00-da Qalatasaray Liseyindən başlayacaq. Açıq avtobusla futbolçular azarkeşlər və müşayiətçilərlə birlikdə stadiona doğru hərəkət edəcək. Saat 19:00-da stadiondakı proqram start götürəcək.
20:05-də rəsmi bayram tədbirləri başlayacaq. Futbolçular seçdikləri musiqilər sədasında səhnəyə çıxacaq və daha sonra kubok mərasimi keçiriləcək. Bu dəfə konsert əvəzinə DJ çıxışı olacaq və tədbirin saat 23:00-da başa çatması planlaşdırılır.
