“Bavariya”dan Camal Musiala ilə bağlı rəsmi açıqlama: Kiçik əməliyyat keçirib
Elpress.az xəbər verir ki, Almaniyanın “Bavariya” klubunun və Almaniya milli komandasının aparıcı futbolçularından olan Camal Musiala növbəti tibbi prosedurdan uğurla keçib. Bu barədə Münhen təmsilçisinin mətbuat xidməti rəsmi məlumat yayıb.Klubun açıqlamasına əsasən, 23 yaşlı yarımmüdafiəçinin sol ayağında əvvəlki zədənin müalicəsi məqsədilə yerləşdirilmiş metal lövhə uğurlu əməliyyatla çıxarılıb. Həmin lövhə futbolçunun Klublararası dünya çempionatında aldığı ağır zədədən sonra sümüyün sabit saxlanılması üçün implantasiya edilmişdi.”Bavariya” əməliyyatın planlı və kiçik tibbi müdaxilə olduğunu vurğulayıb. Bildirilib ki, prosedur uğurla başa çatıb və Musialanın bərpa prosesi plan üzrə davam edəcək. Klub hesab edir ki, bu müdaxilə futbolçunun mövsümöncəsi hazırlığını müəyyən olunmuş qrafikə uyğun keçməsinə və yeni mövsümün rəsmi oyunlarına tam hazır vəziyyətdə başlamasına imkan yaradacaq.Qeyd edək ki, Camal Musiala son dünya çempionatında Almaniya millisinin keçirdiyi 4 oyunun hamısında forma geyinib. O, turnir ərzində 1 məhsuldar ötürmə ilə yadda qalıb və komandanın əsas oyunçularından biri kimi çıxış edib.
