Almaniya millisinin DÇ-2026-dakı mübarizəsi zamanı yaşanan penaltilər seriyasında gözlənilməz məqam yaşanıb. Komandanın bir neçə futbolçusu həlledici zərbəni yerinə yetirmək məsuliyyətini üzərinə götürmək istəməyib.
Elpress.az xəbər verir ki, Almaniya milli komandasının DÇ-2026-nın 1/16 final mərhələsində Paraqvayla qarşılaşmasında penaltilər seriyası zamanı maraqlı hadisə baş verib. Belə ki, komandanın dörd futbolçusu altıncı penalti zərbəsini yerinə yetirməkdən imtina edib.Məlumata görə, kapitan Yozua Kimmix altıncı zərbəni vuracaq oyunçunu müəyyənləşdirmək istəyərkən Leon Qoretska, Anton Valdemar, Nataniel Braun və Malik Tşau bu məsuliyyəti üzərinə götürməkdən çəkiniblər.Qeyd edək ki, Almaniya millisi Manuel Noyerin də yer aldığı heyətlə DÇ-2026-da çıxışını 1/16 final mərhələsində başa vurub. Paraqvayla keçirilən görüşün əsas vaxtı 1:1 hesabı ilə yekunlaşıb və qalib penaltilər seriyasında müəyyənləşib.Penaltilər zamanı Paraqvay qapıçısı Xilin iki zərbəni dəf edib. Rəqib komanda 3:2 hesabı ilə önə keçsə də, Manuel Noyer son iki zərbədə Almaniyanı oyunda saxlayaraq hesabı bərabərləşdirib. Lakin altıncı zərbədə Conatan Ta topu qapıdan kənara göndərib, Xose Kanale isə fürsəti dəqiq qiymətləndirərək Paraqvaya qələbə qazandırıb.Bununla da Cənubi Amerika təmsilçisi turnirin növbəti mərhələsinə yüksəlib. Paraqvay 1/8 finalda Fransa və ya İsveç yığması ilə qarşılaşacaq.
