Bakıda keçirilən İBA Çempionlar Gecəsində Azərbaycan boksçusu Sərxan Əliyev rəqibini məğlub edərək qələbə qazanıb.
Elpress.az xəbər verir ki, Bakıda ilk dəfə “Sea Breeze Resort”da təşkil olunan İBA Çempionlar Gecəsində dünyanın müxtəlif ölkələrindən güclü boksçular rinqə çıxıblar. Nüfuzlu turnirdə Azərbaycan idmançıları da uğurlu çıxışları ilə diqqət çəkiblər.70 kiloqram çəki dərəcəsində mübarizə aparan Sərxan Əliyev Qazaxıstan təmsilçisi Nurtas Ajbenov üzərində inamlı qələbə qazanıb. Digər Azərbaycan boksçusu Tayfur Əliyev isə 60 kiloqram çəki dərəcəsində Özbəkistan idmançısı Xurşidbek Rasuljonovla qarşılaşıb. Gərgin keçən görüşün yekununda qalib müəyyənləşməyib və döyüş heç-heçə başa çatıb.Qeyd edək ki, İBA Çempionlar Gecəsi çərçivəsində bu axşam daha dörd maraqlı qarşılaşmanın keçirilməsi nəzərdə tutulur.
