Conni Brom: “Ümid edirəm, uğurlu nəticə qazanacağıq”
Elpress.az xəbər verir ki, UEFA Konfrans Liqasının pley-off mərhələsinin cavab qarşılaşmasında “Qarabağ”ın qonağı olacaq “Tvente”nin baş məşqçisi Conni Brom oyunöncəsi mətbuat konfransında fikirlərini bölüşüb.Baş məşqçi komandasının Bakıya uzun uçuşdan sonra gəldiyini və qarşılaşmaya hazır olduğunu bildirib. O, “Qarabağ”ın güclü komanda olduğunu vurğulayaraq rəqibə qarşı oynamağın çətin olacağını qeyd edib.Brom ilk görüşdə komandasının qol imkanlarından yararlana bilmədiyini bildirib və cavab qarşılaşmasında qələbə qazanmaq üçün əllərindən gələni edəcəklərini deyib.Qeyd edək ki, “Qarabağ” – “Tvente” qarşılaşması avqustun 27-də saat 20:00-da Tofiq Bəhramov adına Respublika stadionunda keçiriləcək. Komandalar arasında ilk görüş Ağdam təmsilçisinin 1:0 hesablı qələbəsi ilə başa çatıb.
