Qax Olimpiya İdman Kompleksində “Qərbi Azərbaycana Qayıdış” devizi altında savate idman növü üzrə kadetlər, yeniyetmələr və gənclər arasında Şimal-Qərb Region Açıq Turniri təşkil olunub.
Elpress.az xəbər verir ki, yarış Qax Rayon İcra Hakimiyyəti, Azərbaycan Savate Federasiyası, Şəki-Zaqatala Regional Gənclər və İdman İdarəsi, “İrəvan” İdman Klubu və Qax Olimpiya İdman Kompleksinin birgə təşkilatçılığı ilə baş tutub.Turnirdə 5 rayondan olan idmançılar müxtəlif çəki dərəcələri üzrə mübarizə apararaq öz bacarıqlarını nümayiş etdiriblər.Açılış mərasimində çıxış edən Qax Rayon İcra Hakimiyyətinin başçısı Elvin Paşayev bu cür yarışların gənclər arasında sağlam həyat tərzinin təşviqi və idmanın kütləviliyinin artırılması baxımından mühüm rol oynadığını bildirib.Turnirin əsas məqsədi yeniyetmə və gənclərin idmana marağının artırılması, savate idman növünün inkişaf etdirilməsi, perspektivli idmançıların üzə çıxarılması və bölgələrarası idman əlaqələrinin gücləndirilməsi olub.Yarışın yekununda fərqlənən idmançılar diplom və medallarla mükafatlandırılıblar.
