Yasamalda oğurluq hadisəsi: skuterdəki telefonu götürən şübhəli saxlanılıb
Bakının Yasamal rayonunda baş verən oğurluq hadisəsi ilə bağlı polis əməkdaşları tərəfindən əməliyyat keçirilib.Rayon ərazisində bir vətəndaşa məxsus mobil telefonun oğurlanması ilə bağlı polisə müraciət daxil olub. Məlumat əsasında Yasamal Rayon Polis İdarəsinin əməkdaşları tərəfindən araşdırma və əməliyyat tədbirləri həyata keçirilib.Keçirilən tədbirlər nəticəsində hadisəni törətməkdə şübhəli bilinən, əvvəllər məhkum olunmuş 29 yaşlı K. İsmayılov saxlanılıb.Araşdırmalar zamanı müəyyən edilib ki, şübhəli şəxs zərərçəkmiş şəxsin istifadə etdiyi skuterdə yerləşən mobil telefonu həmin şəxsin diqqətinin yayınmasından istifadə edərək götürüb. Daha sonra isə oğurladığı telefonu satıb.Faktla bağlı araşdırmalar davam etdirilir və hadisənin bütün təfərrüatlarının müəyyənləşdirilməsi istiqamətində tədbirlər görülür.
