Dərs zamanı mobil cihazlara nəzarət güclənir: Yeni qaydalar məktəblərdə tətbiq ediləcək
Azərbaycan məktəblərində şagirdlərin mobil telefon və digər elektron cihazlardan istifadəsi ilə bağlı yeni qaydalar təsdiqlənib.Elm və Təhsil Nazirliyinin müvafiq Kollegiya Qərarı ilə məktəbəhazırlıq qruplarında və ümumi təhsil müəssisələrində mobil və elektron cihazların istifadəsini tənzimləyən yeni Qaydalar qüvvəyə minib.Yeni tənzimləmələr rəqəmsal mühitdə uşaqların zərərli məzmundan qorunması, tədris prosesinin keyfiyyətinin artırılması, şagirdlərin diqqətinin dərsə yönəldilməsi və daha təhlükəsiz məktəb mühitinin yaradılması məqsədi daşıyır.Qaydalara əsasən, şagirdlər dərs və məşğələ zamanı mobil telefon, planşet, ağıllı saat və digər analoji elektron cihazlardan istifadə edə bilməyəcəklər. Məktəbə gətirilən cihazlar dərs müddəti başa çatanadək söndürülmüş və ya səssiz rejimdə, məktəb rəhbərliyinin müəyyən etdiyi xüsusi yerlərdə saxlanılmalıdır.Elektron cihazlardan yalnız müəllimin icazəsi və nəzarəti altında, tədris məqsədləri üçün istifadə edilə bilər. Həmçinin fövqəladə hallar, təbii fəlakətlər və sağlamlıqla bağlı zəruri vəziyyətlər zamanı cihazlardan istifadəyə icazə veriləcək.Qaydaların pozulmasına məktəbin daxili intizam mexanizmləri çərçivəsində nəzarət olunacaq. Pozuntu aşkar edildikdə valideyn və ya qanuni nümayəndə məlumatlandırılacaq, şagirdlə profilaktik söhbət aparılacaq və zəruri hallarda məktəbdə müzakirələr təşkil ediləcək.Yeni qaydalar yalnız məhdudiyyət tətbiq etməyi deyil, eyni zamanda şagirdlər, müəllimlər və valideynlər arasında rəqəmsal təhlükəsizlik, kibertəhlükələr və elektron vasitələrdən düzgün istifadə ilə bağlı maarifləndirməni də nəzərdə tutur.Qərarın əsas məqsədi texnologiyadan imtina etmək deyil, elektron cihazların tədris prosesinə mənfi təsirlərini azaltmaq və məktəblərdə daha səmərəli öyrənmə mühiti yaratmaqdır.
