29 yaşlı oğlan və 16 yaşlı qızın əmiuşağı olduğu məlum olub
Elpress.az xəbər verir ki, Lənkəranda meşəlik ərazidə meyitləri aşkarlanan şəxslərin qohum olduğu müəyyənləşib.Məlumata görə, 29 yaşlı Xəzər Mirzəyev və 16 yaşlı Fidan Mirzəyeva əmiuşağı olublar. Xəzər Mirzəyevin atası Vurğun Mirzəyev bildirib ki, oğlu evdən çıxarkən onunla telefonla danışıb və Lənkərana getdiyini deyib. Daha sonra onunla əlaqə saxlamaq mümkün olmayıb.Ailə bir müddət sonra gənclərin itkin düşdüyünü öyrənib. Növbəti gün isə onların meyitlərinin tapıldığı barədə məlumat alıblar.Gənclərin cəsədləri Lənkəranda “İbadi” adlandırılan meşəlik ərazidə aşkarlanıb və ekspertiza üçün Lənkəran Rayonlararası Zona Mərkəzinə təhvil verilib.Onların ölüm səbəbi ekspertizanın rəyindən sonra müəyyənləşəcək.
