Hərbi hissəni özbaşına tərk etməkdə təqsirləndirilən şəxsin ekstradisiyası ilə bağlı qərar qəbul olunub
Elpress.az xəbər verir ki, Azərbaycan vətəndaşı Nahid Rasim oğlu Əlicanlının Rusiyadan ölkəyə ekstradisiya olunması barədə qərar verilib.Baş Prokurorluğun məlumatına görə, ekstradisiya ilə bağlı vəsatət “Mülki, ailə və cinayət işləri üzrə hüquqi yardım və hüquqi münasibətlər haqqında” Konvensiyanın tələblərinə uyğun olaraq Rusiya Federasiyasının Baş Prokurorluğu tərəfindən təmin edilib.İstintaq materiallarına əsasən, Qubadlı Hərbi Prokurorluğunda araşdırılan cinayət işi çərçivəsində Nahid Əlicanlının hərbi hissəni və ya xidmət yerini üç aydan artıq müddətdə özbaşına tərk etməsi ilə bağlı əsaslı şübhələr müəyyən olunub. Bu səbəbdən onun barəsində təqsirləndirilən şəxs qismində cəlbetmə qərarı qəbul edilib.Məlumata görə, istintaqdan yayınaraq gizləndiyi üçün o, beynəlxalq axtarışa verilib.Hazırda şəxsin Azərbaycana gətirilməsi məqsədilə Ədliyyə Nazirliyinin Penitensiar Xidməti tərəfindən beynəlxalq prosedurlara uyğun tədbirlər həyata keçirilir.
