İlduzə Hacıyevanın ölümcül yol qəzası ilə bağlı məhkəməyə təqdim edilən yeni faktlar bəlli olub
Elpress.az xəbər verir ki, “Arzum9999” ləqəbli tiktoker İlduzə Hacıyevanın törətdiyi iddia olunan faciəvi avtomobil qəzası ilə bağlı ekspertiza rəyləri və işin detalları açıqlanıb. Rəsmi ekspertizaya görə, 2025-ci ildə baş verən qəza zamanı digər avtomobilin sürücüsü Amal Məlikov aldığı ağır baş-beyin travmaları nəticəsində hadisədən 2 saat 7 dəqiqə sonra dünyasını dəyişib.Kamera görüntüləri və boya izləri İlduzə Hacıyevanın “Mercedes” markalı maşınla toqquşma olmadığını iddia etməsini təkzib edib. Məlum olub ki, dönmə manevri zamanı Amal Məlikov 100 km/saat sürətlə hərəkət etsə də, bloger təhlükəni görərək dayanmayıb və manevri davam etdirib. Tiktoker qəzadan 41 dəqiqə sonra xəstəxananı tərk edərək hava limanına gedib və ölkədən çıxıb.Qəzada ağır yaralanan və eşitmə qabiliyyətini itirən Sənubər Muradova (mərhumun həyat yoldaşı) 104 min manat təzminat tələb etsə də, məhkəmə bu mülki iddianı baxılmamış saxlayaraq ayrı mülki icraat qaydasında qaldırılmasına karar verib.
