Suriyanın paytaxtında faciə: Ədalət Sarayının yaxınlığındakı partlayış itkilərə səbəb oldu
Suriyanın paytaxtı Dəməşqdə Ədalət Sarayının yaxınlığında yerləşən kafedə güclü partlayış baş verib.Suriya Səhiyyə Nazirliyinin yaydığı məlumata görə, hadisə nəticəsində 4 nəfər həyatını itirib, daha 10 nəfər müxtəlif dərəcəli bədən xəsarətləri alıb.İlkin məlumatlarda ölən və yaralananların sayı açıqlanmasa da, sonradan rəsmi qurumlar partlayışın ağır nəticələrə səbəb olduğunu təsdiqləyiblər.Hadisə Dəməşqin mərkəzi hissəsində, Ədalət Sarayının yaxınlığında yerləşən kafedə qeydə alınıb. Partlayışdan dərhal sonra əraziyə təcili tibbi yardım briqadaları və təhlükəsizlik qüvvələri cəlb olunub.Hazırda hüquq-mühafizə orqanları partlayışın səbəblərini araşdırır. Hadisənin başvermə şəraiti və mümkün təfərrüatlarla bağlı araşdırmalar davam etdirilir.
