Alov 1 hektar əraziyə yayılıb yanğınsöndürənlər alovun qarşısını almağa çalışır
Elpress.az xəbər verir ki, Ucar rayonunda zibil poliqonunda yanğın baş verib.Hadisə rayon ərazisində yerləşən, ümumi sahəsi 3 hektar olan poliqonda qeydə alınıb. Yanğın artıq təxminən 1 hektar ərazini əhatə edib.Alovun söndürülməsi və yayılmasının qarşısının alınması üçün FHN-nin Ucar Rayon Yanğından Mühafizə Hissəsinin canlı qüvvəsi və texnikası əraziyə cəlb olunub. Hazırda yanğınsöndürənlər yanğının tam nəzarətə götürülməsi istiqamətində tədbirlər həyata keçirirlər.Yanğın zamanı ərazidən keçən elektrik naqillərinin zədələnməsi nəticəsində bir neçə kəndin elektrik enerjisi ilə təminatında fasilə yaranıb.Bundan başqa, poliqon Bakı-Qazax magistral yolunun yaxınlığında yerləşdiyindən yanğın nəticəsində yaranan tüstü yolda görmə məsafəsini nisbətən məhdudlaşdırır.
