2024-cü ildə 18 yaşına çatmamış analar tərəfindən dünyaya gətirilən uşaqların sayı azalsa da, göstəricilər hələ də narahatlıq doğurur.
Elpress.az xəbər verir ki, Azərbaycanda bu ildən etibarən nikah yaşı 18 olaraq müəyyən edilsə və əvvəlki istisnalar ləğv olunsa da, erkən nikahlarla bağlı statistika diqqət çəkməyə davam edir.2024-cü ildə 18 yaşına çatmamış analar tərəfindən 1279 uşaq dünyaya gətirilib. Bu göstərici 2023-cü illə müqayisədə azalıb.
Belə ki, ötən il bu rəqəm 1742 olub.Statistikaya görə, ən yüksək göstərici Mərkəzi Aran iqtisadi rayonunda qeydə alınıb. Sonrakı yerlərdə Qarabağ, Qazax-Tovuz, Lənkəran-Astara və Mil-Muğan iqtisadi rayonları qərarlaşıb. Mütəxəssislər erkən nikahların və erkən analığın qarşısının alınması istiqamətində maarifləndirmə tədbirlərinin davam etdirilməsinin vacibliyini vurğulayırlar.
