DİM sədri IV qrup üzrə yüksəkballı abituriyentlərin qəbul şansları barədə danışıb
Elpress.az xəbər verir ki, IV ixtisas qrupu üzrə yüksək nəticə göstərən abituriyentlərin hamısının tibb ixtisaslarına qəbul ola bilməyəcəyi gözlənilir.Dövlət İmtahan Mərkəzinin (DİM) sədri Məleykə Abbaszadə bildirib ki, bu il IV qrupda 600-dən yuxarı bal toplayan 1212 abituriyent var. Onların böyük hissəsinin tibb ixtisaslarına müraciət edəcəyi gözlənilir.DİM sədrinin sözlərinə görə, bu abituriyentlərin hamısının xüsusilə müalicə işi ixtisasına qəbul olması mümkün deyil. O qeyd edib ki, ötən il tibb ixtisası üzrə keçid balı yüksək olub və bu il həmin göstəricinin təxminən 20 bal artacağı gözlənilir. 500 baldan yuxarı keçid balı olan digər ixtisaslarda isə artımın təxminən 10 bal təşkil edə biləcəyi proqnozlaşdırılır. Abbaszadə həmçinin bildirib ki, IV qrupda 150 baldan yuxarı nəticə göstərən 5419 nəfər var. Onun sözlərinə görə, abituriyentlər düzgün ixtisas seçimi etsələr, onların böyük əksəriyyətinin ali məktəbə qəbul olmaq şansı olacaq.
