Aysel Əlibəyli
23 İyul 2026 · 18:01
1044 baxış
İlin ilk altı ayında məişət zorakılığı ilə bağlı Dövlət Komitəsinə 292 müraciət edilib
Elpress.az xəbər verir ki, 2026-cı ilin ilk altı ayı ərzində Ailə, Qadın və Uşaq Problemləri üzrə Dövlət Komitəsinə məişət zorakılığı ilə bağlı ümumilikdə 292 müraciət daxil olub. Müraciət edənlərin 230-u qadın, 47-si kişi, 15-i isə uşaq olub.Komitənin məlumatına görə, müraciətlərin böyük hissəsi fiziki və psixoloji zorakılıq halları ilə bağlıdır. Daxil olan bütün müraciətlər operativ araşdırılıb, zərərçəkmiş şəxslərə hüquqi, psixoloji və sosial dəstək göstərilib, zəruri hallarda isə aidiyyəti dövlət qurumları ilə birgə müvafiq müdafiə tədbirləri həyata keçirilib.
