Bakının Tiflis prospektində yerləşən “Bravo” hipermarketində fəaliyyət göstərən “McDonald’s” restoranında gigiyenik vəziyyətlə bağlı iddialar sosial şəbəkələrdə müzakirələrə səbəb olub.
Elpress.az xəbər verir ki, İddialar sosial şəbəkə istifadəçisi Ayna Məmmədovanın paylaşımından sonra gündəmə gəlib. O, Bakının Tiflis prospektində yerləşən “Bravo” hipermarketində fəaliyyət göstərən “McDonald’s” restoranında gigiyenik şəraitin qənaətbəxş olmadığını bildirib.Paylaşıma əsasən, restoranın döşəməsinin çirkli su ilə örtüldüyü, masaların lazımi qaydada təmizlənmədiyi, ətrafda xoşagəlməz qoxunun hiss olunduğu və milçəklərin müşahidə edildiyi iddia olunur.Qeyd edək ki, yayılan məlumat sosial şəbəkə paylaşımına əsaslanır. Hadisə ilə bağlı restoranın və ya aidiyyəti qurumların rəsmi mövqeyi hələlik açıqlanmayıb.
