Aysel Əlibəyli
27 Oktyabr 2026 · 09:21
1024 baxış
Bakı metrosunda “Həzi Aslanov” – “İçərişəhər” istiqamətində birbaşa qatar hərəkəti bərpa edilib.
Elpress.az xəbər verir ki, bununla əlaqədar “Həzi Aslanov” – “Əhmədli” sahəsində tətbiq edilən məkik hərəkət sxemi ləğv olunub. Artıq qatarlar “Həzi Aslanov” stansiyasından “İçərişəhər” istiqamətində birbaşa hərəkət edir.
Xatırladaq ki, “Həzi Aslanov” stansiyasının dalanında aparılan əsaslı təmir və yenidənqurma işləri ilə əlaqədar 30 noyabr 2024-cü il tarixindən Bakı metrosunun “Qırmızı” və “Yaşıl” xətlərində qatarların hərəkət sxemi dəyişdirilmişdi.
Həmin tarixdən qatarlar “İçərişəhər” və “Dərnəgül” stansiyalarından “Əhmədli” stansiyasına qədər hərəkət edir, “Həzi Aslanov” – “Əhmədli” sahəsində isə ayrıca məkik hərəkəti təşkil olunurdu.
