Bakıda nisbətən münasib qiymətə mənzillərin hansı ərazilərdə təklif olunduğu açıqlanıb. Paytaxtda daha ucuz mənzillərə əsasən Qaradağ və Xəzər rayonlarında, eləcə də Sabunçu rayonunun bəzi kənar ərazilərində rast gəlmək mümkündür.
Elpress.az xəbər verir ki, bu barədə Qiymətləndiricilər Cəmiyyətinin İdarə Heyətinin sədri Vüqar Oruc məlumat verib.
Onun sözlərinə görə, həmin ərazilərdə mənzil qiymətlərinin nisbətən aşağı olmasının əsas səbəblərindən biri kirayə bazarının zəif olmasıdır. Kirayədən əldə olunan gəlirlərin azlığı bu əraziləri daşınmaz əmlaka investisiya yatırmaq baxımından daha az cəlbedici edir.
Bununla yanaşı, hazırda nisbətən ucuz mənzillərin təklif olunduğu, gələcəkdə isə dəyər qazanmaq potensialına malik ərazilər də mövcuddur.
Xüsusilə yeni layihələrin həyata keçirildiyi, yol-nəqliyyat infrastrukturunun yaxşılaşdırıldığı və əhalinin məskunlaşmasının artdığı ərazilərdə daşınmaz əmlak qiymətlərinin gələcəkdə yüksəlməsi mümkündür.
