Prezident İlham Əliyev ikili standartlar siyasətinin beynəlxalq münasibətlərdən tamamilə çıxarılmasının vacibliyini vurğulayıb.
Elpress.az xəbər verir ki, dövlət başçısı bu barədə çıxışı zamanı danışıb.
Prezident bildirib ki, ikili standartlar, o cümlədən ölkələrə həyat tərzi ilə bağlı dərs vermək cəhdləri ilə özünü göstərir.
“Bunu etməzdən əvvəl güzgüyə baxmalısınız, özünüzdən soruşmalısınız ki, sizin kiməsə mühazirə vermək hüququnuz varmı?” – deyə İlham Əliyev qeyd edib.
Dövlət başçısının sözlərinə görə, müstəqil ölkələrə necə yaşamaq, nəyi etmək və ya etməmək barədə dərs verilməməlidir. O vurğulayıb ki, Azərbaycan öz məsuliyyətlərinə və qarşısında duran vəzifələrə diqqət yetirməli, digər ölkələrdə baş verənlərin isə həmin xalqların öz işi olduğunu nəzərə almalıdır.
