Aysel Əlibəyli
27 Oktyabr 2026 · 09:58
1014 baxış
Türkiyənin Antalya şəhərində güclü fırtına və burulğan ciddi fəsadlara səbəb olub. Təbii hadisə nəticəsində 4 nəfər həyatını itirib, daha 1 nəfər yaralanıb.
Elpress.az xəbər verir ki, hadisə şəhərin Kepez rayonunun Fevzi Çakmak məhəlləsində, tikinti sahəsində baş verib. Güclü burulğan işçilərin qaldığı iki konteyneri dağıdıb, ərazidəki kranı isə aşırıb.
Hadisə zamanı konteynerlərdə olan 5 işçi burulğanın təsiri ilə havaya sovrulub. Nəticədə 4 nəfər ölüb, 1 nəfər isə xəsarət alıb.
