Aysel Əlibəyli
05 Sentyabr 2026 · 11:51
1058 baxış
Fövqəladə Hallar Nazirliyinin əməkdaşları talassemiyadan əziyyət çəkənlərə dəstək üçün qan veriblər
Elpress.az xəbər verir ki, Fövqəladə Hallar Nazirliyində irsi qan xəstəliklərindən əziyyət çəkən vətəndaşlara dəstək məqsədilə könüllü qanvermə aksiyası təşkil olunub.Heydər Əliyev Fondunun “Talassemiyasız həyat naminə” proqramı çərçivəsində keçirilən aksiya iki gün davam edib. Qanvermə prosesində “Respublika Qan Bankı”nın tibbi heyəti iştirak edib.Nazirliyin Aparatının struktur bölmələrinin və tabeli qurumlarının əməkdaşları aksiyaya könüllü şəkildə qoşulublar. Toplanan qan ehtiyatlarının, xüsusilə talassemiya olmaqla, irsi qan xəstəliklərindən əziyyət çəkən şəxslərin müalicəsinə dəstək məqsədilə istifadəsi nəzərdə tutulur.
