Birləşmiş Ərəb Əmirliklərinin Dubay şəhərində dünyanın ilk 24 əyarlı xalis qızıldan hazırlanmış piyada yolunun salınması planlaşdırılır.
Elpress.az xəbər verir ki, “Oxu.Az”ın məlumatına görə, layihə Dubayın məşhur “Dubai Gold District” ticarət rayonunda həyata keçiriləcək. Bu barədə rayonun kommersiya sektorunun baş direktoru Rəşid Əl-Harmudi məlumat verib.
Bildirilib ki, qızıl piyada yolunun tikintisinin 2026-cı ilin sonunadək başa çatdırılması nəzərdə tutulur. Layihənin əsas məqsədi Dubayın beynəlxalq turizm məkanı və dünya qızıl ticarətinin mühüm mərkəzlərindən biri kimi mövqeyini daha da gücləndirməkdir.
Layihə ilə yanaşı, həmin rayonda Yaxın Şərqdə qızıl və zərgərlik məmulatları ticarətinə həsr olunmuş böyük sərgilərdən birinin keçirilməsi də planlaşdırılır.
Qızıl piyada yolunun reallaşdırılması Dubayın turizm imkanlarının genişləndirilməsinə və şəhərin zərgərlik sənayesi üzrə beynəlxalq tanıtımına töhfə vermək məqsədi daşıyır.
