Heydər Əliyev Fondunun vitse-prezidenti Leyla Əliyeva və Bakı Media Mərkəzinin rəhbəri Arzu Əliyeva Lənkəran şəhərində Osman Mirzəyev adına 5 saylı Uşaq evi sosial xidmət müəssisəsinə səfər ediblər.
Elpress.az Milli.az- a istinadən verdiyi məlumata görə, bacılar müəssisədə böyüyən uşaqlarla mehribanlıqla ünsiyyət qurub, onların gündəlik həyatı və məşğuliyyətləri ilə yaxından tanış olublar. Ziyarət ərzində uşaqlarla birgə dulusçuluq məşğələsi keçirilib, yaradıcılıq prosesində fəal iştirak edən qonaqlar uşaqlara hədiyyələr də təqdim ediblər.Səfərin davamında “Azərbaycan Animasiya Assosiasiyası” İctimai Birliyinin təşkilatçılığı ilə uşaqlar üçün xüsusi film nümayişi təşkil olunub. Leyla Əliyeva və Arzu Əliyeva uşaqlarla yan-yana oturaraq “İsi və Piti” serialının bölümlərini və bir sıra maarifləndirici animasiya filmlərini birlikdə izləyiblər. Uşaqlar göstərilən filmləri böyük həvəslə qarşılayıblar.Tədbir uşaqların asudə vaxtının məzmunlu keçirilməsi, yaradıcı potensiallarının inkişafı və yerli animasiyaya marağın artırılması baxımından əhəmiyyətli hesab edilir.
