Tacikistanın “Somon Air” aviaşirkətinə məxsus “Boeing 737-8GJ” təyyarəsinin Bakıdan Ermənistanın paytaxtına uçuşu gözlənilir.
Elpress.az xəbər verir ki, “Flightradar24” məlumatlarına əsasən, təyyarə oktyabrın 14-də Düşənbədən Bakıya gəlib. Uçuş izləmə platformasında onun oktyabrın 15-də Bakıdan İrəvana istiqamətlənməsi göstərilib.
Tacikistan Prezidenti və bir sıra ölkələrin liderləri AQEM-in 7-ci Zirvə Toplantısında iştirak etmək üçün Bakıya səfər ediblər. Bununla belə, yayılan məlumatda sözügedən təyyarənin Tacikistan Prezidentinə xidmət etmədiyi bildirilir.
İrəvanda isə BMT-nin Bioloji Müxtəliflik haqqında Konvensiyasının Tərəflər Konfransının 17-ci toplantısı — COP17 çərçivəsində liderlərin sammiti keçirilir və rəsmi nümayəndə heyətlərinin gəlişi gözlənilir.
