Şəhərin bir sıra küçə və yaşayış məntəqələrində elektrik enerjisi bir saatlıq dayandırılacaq
Elpress.az xəbər verir ki, Naxçıvan şəhərinin bir sıra ərazilərində elektrik enerjisinin verilişində müvəqqəti fasilə yaranacaq.“Azərişıq” ASC-nin Naxçıvan Regional Enerji Təchizatı və Satışı İdarəsindən verilən məlumata görə, fasilə avqustun 20-də 110/35/10 kV-luq “Xalçaçılıq” yarımstansiyasında aparılacaq yenidənqurma işləri ilə əlaqədar baş verəcək.Yenidənqurma işləri “AzərEnerji” ASC-nin “Naxçıvan Enerji” MMC-si tərəfindən həyata keçiriləcək. Bununla əlaqədar bir sıra 10 kV-luq hava elektrik verilişi xətlərində enerji təchizatı müvəqqəti dayandırılacaq.Elektrik enerjisinin verilişi avqustun 20-də saat 03:30-dan 04:30-dək Naxçıvan şəhərinin Heydər Əliyev prospektində, İstiqlal küçəsində yerləşən 103, 111, 113, 115, 117 və 129 nömrəli yaşayış binalarında, eləcə də Abbasqulubəy Şadlinski, Nizami Gəncəvi, İlqar Ələkbərov, Səməd Vurğun, Xətai və Vüqar Abbasov küçələrində dayandırılacaq.Həmçinin 54, 56, 59, 60 və 61-ci məhəllələrdə, Əcəmi məhəlləsində və Əliabad qəsəbəsində elektrik enerjisinin verilişində müvəqqəti fasilə gözlənilir.
