Ali məktəblərə qəbul üçün ixtisas seçimi avqustun 19-da başa çatacaq
Elpress.az xəbər verir ki, Ali təhsil müəssisələrinə qəbul olmaq istəyən abituriyent və subbakalavrlar üçün ixtisas seçimi prosesi davam edir.Dövlət İmtahan Mərkəzinin məlumatına görə, avqustun 17-si saat 10:10-a qədər 58 692 nəfər elektron ixtisas seçimi ərizəsini dolduraraq təsdiqləyib.Abituriyentlər qəbul olmaq istədikləri ixtisasları elektron ərizəyə daxil edib avqustun 19-u saat 23:59-dək seçimlərini təsdiqləməlidirlər. Müsabiqədə yalnız ərizəsini təsdiq edən şəxslərin iştirakı mümkün olacaq.DİM bildirir ki, ixtisas seçimi ilə bağlı sualları olan abituriyent və subbakalavrlar ödənişsiz fəaliyyət göstərən “Abituriyent Məsləhət Mərkəzləri”nə müraciət edə bilərlər. Bu mərkəzlər 10 ali təhsil müəssisəsində, DİM-in regional bölmələrinin yerləşdiyi şəhərlərdə və müəyyən edilmiş tarixlərdə 50-dən çox rayonun təhsil sektorlarında fəaliyyət göstərir.
