Elpress.az xəbər verir ki, sentyabrın 1-də Bişkekdə müxtəlif ölkələrin birinci xanımlarının iştirakı ilə mədəni proqram təşkil olunub.
Azərbaycanın birinci xanımı Mehriban Əliyeva, Qırğızıstanın birinci xanımı Aigul Japarova, Türkiyənin birinci xanımı Emine Ərdoğan, Özbəkistanın birinci xanımı Ziroat Mirziyoyeva və Çinin birinci xanımı Penq Liyuan “Ala-Arça” Dövlət İqamətgahında bir araya gəliblər.
Tədbir çərçivəsində qonaqlara Qırğızıstanın dekorativ-tətbiqi sənət nümunələrindən ibarət sərgi təqdim edilib. Sərgidə milli sənətkarlıq nümunələri, keçə məmulatları, ənənəvi məişət əşyaları və xalq ustalarının hazırladığı müxtəlif əl işləri nümayiş etdirilib.
Mədəni proqram zamanı qonaqlar Qırğızıstan xalqının qədim sənət ənənələri və zəngin milli irsi ilə yaxından tanış olublar.
Proqramın davamında musiqi və rəqs kompozisiyalarından ibarət konsert təqdim edilib. Uşaq və gənclərdən ibarət yaradıcı kollektivlərin çıxışları tədbirə xüsusi rəng qatıb.
