Azərbaycanda tarixi toponimlərin bərpası istiqamətində işlər davam edir.
Elpress.az Azərtac-a istinadən xəbər verir ki, bunu AMEA-nın prezidenti akademik İsa Həbibbəyli “Ana dili: kimlik və gələcək” mövzusunda keçirilən respublika konfransında deyib.O bildirib ki, saxtalaşdırılmış yer adlarının dəyişdirilməsi prosesi mərhələli şəkildə həyata keçirilir. Akademikin sözlərinə görə, yaxın zamanda Quba rayonunda üç kəndin adı dəyişdirilib.İsa Həbibbəyli qeyd edib ki, Vladimirovka kənd sakinləri yaşayış məntəqəsinin “Elbir” adlandırılması təşəbbüsü ilə Milli Məclisə müraciət ediblər. O vurğulayıb ki, bu ad həm birlik mənası daşıyır, həm də dilimiz üçün yeni ifadə hesab olunur.Akademik əlavə edib ki, əvvəllər Alekseyevka, Nikolayevka və sovet ideologiyasını əks etdirən digər kənd adları mövcud idi. Son 10 ildə isə Toponimiya Komissiyası tərəfindən 50-dən çox yaşayış məntəqəsinin adı tarixi və milli yaddaşa uyğun şəkildə dəyişdirilib.
