Dövlət Komitəsindən ayrıldı: Ramiz İdrisoğlu fəaliyyətini bu nazirlikdə davam etdirəcək
Elpress.az xəbər verir ki, Dövlət Şəhərsalma və Arxitektura Komitəsində kadr dəyişikliyi baş verib. Komitənin mətbuat katibi vəzifəsində çalışan Ramiz İdrisoğlu tutduğu vəzifədən azad edilib.Məlumata görə, Ramiz İdrisoğlu fəaliyyətini bundan sonra Ekologiya və Təbii Sərvətlər Nazirliyində davam etdirəcək. O, yeni vəzifəsində nazirliyin protokol sahəsi üzrə çalışacaq.Beləliklə, uzun müddət Dövlət Şəhərsalma və Arxitektura Komitəsinin mətbuat xidməti sahəsində fəaliyyət göstərən Ramiz İdrisoğlu karyerasını artıq başqa dövlət qurumunda davam etdirəcək. Onun yeni təyinatı Ekologiya və Təbii Sərvətlər Nazirliyinin protokol istiqamətində həyata keçirilən kadr dəyişiklikləri çərçivəsində reallaşıb.
