Aysel Əlibəyli
19 Avqust 2026 · 14:24
1008 baxış
Şimal və qərb rayonlarında intensiv yağış, şimşək və sel riski gözlənilir
Elpress.az xəbər verir ki, Azərbaycanda hava şəraitinin dəyişməsi ilə bağlı xəbərdarlıq edilib.Milli Hidrometeorologiya Xidmətinin məlumatına görə, avqustun 20-si gün ərzində ölkənin şimal və qərb rayonlarından başlayaraq avqustun 21-i gündüz saatlarınadək fasilələrlə yağış yağacağı proqnozlaşdırılır.Bəzi ərazilərdə yağıntıların qısamüddətli və intensiv xarakter daşıyacağı, yağışla yanaşı şimşək çaxacağı və ayrı-ayrı yerlərdə dolu düşəcəyi ehtimal olunur.
Mütəxəssislər bildiriblər ki, yağıntılı hava şəraiti çaylarda suyun səviyyəsinin artmasına səbəb ola bilər. Həmçinin bəzi dağ çaylarında qısamüddətli sel hadisəsinin baş verməsi istisna edilmir.
