Bakıda üç gün ərzində yağış və leysan, bölgələrdə isə dolu ehtimalı var
Elpress.az xəbər verir ki, Azərbaycanda avqustun 30-u axşamdan etibarən hava şəraitinin qeyri-sabitləşəcəyi gözlənilir.
Milli Hidrometeorologiya Xidmətinin məlumatına görə, yağıntılı hava sentyabrın 1-i səhərədək davam edəcək.
Bakıda və Abşeron yarımadasında həmin müddətdə yağış yağacağı, bəzi vaxtlarda yağıntının leysan xarakteri daşıyacağı proqnozlaşdırılır. Ayrı-ayrı ərazilərdə şimşək çaxacağı, avqustun 31-i axşam isə intensiv və qısamüddətli güclü yağış yağacağı ehtimal edilir.Ölkənin rayonlarında da qeyri-sabit hava şəraitinin sentyabrın 1-dək davam edəcəyi bildirilir. Bəzi ərazilərdə fasilələrlə yağış, ayrı-ayrı yerlərdə isə intensiv leysan, şimşək və dolu gözlənilir.Yağıntıların təsiri ilə çaylarda suyun səviyyəsinin yüksələcəyi, bəzi dağ çaylarında isə qısamüddətli sel hadisələrinin baş verə biləcəyi istisna edilmir.
