Əlverişsiz hava şəraiti AZAL-ın bir sıra uçuşlarının həyata keçirilməsinə mane olub
Elpress.az xəbər verir ki, Azərbaycan Hava Yollarının (AZAL) avqustun 29-na planlaşdırılan bəzi Bakı-Naxçıvan-Bakı reyslərinin icrası ildırımlı hava şəraiti səbəbindən təxirə salınıb.AZAL-ın Mətbuat Xidmətindən verilən məlumata görə, meteoroloji vəziyyət normallaşdıqdan sonra uçuşların bərpa edilməsi nəzərdə tutulur. Sərnişinlər reyslərin vaxtında baş verə biləcək dəyişikliklər barədə məlumatlandırılacaqlar.Qeyd olunub ki, Naxçıvanın dağlıq relyefi və coğrafi xüsusiyyətləri bölgədəki hava şəraitinin uçuşlara təsirini artırır. Güclü külək, küləyin istiqamətinin qəfil dəyişməsi və ildırım aktivliyi təyyarələrin qalxması və enməsi zamanı əlavə risklər yaradır.AZAL bildirib ki, uçuşların təxirə salınması və ya ləğvi ilə bağlı qərarlar yalnız hava limanındakı vəziyyət əsasında qəbul edilmir. Marşrut boyunca, həmçinin uçuşun başlanğıc və son məntəqələrində mövcud və gözlənilən meteoroloji şərait nəzərə alınır.Təhlükəsizliyin təmin edilməsi məqsədilə ekipaj və aviasiya üzrə əməliyyat xidmətləri beynəlxalq uçuş təhlükəsizliyi standartlarına uyğun qərarlar qəbul edir.
