Bakının Suraxanı rayonunda bir neçə yol hissəsində təmir işləri aparılacaq. İşlərlə əlaqədar nəqliyyat vasitələrinin hərəkətində müvəqqəti məhdudiyyət tətbiq ediləcək.
Elpress.az xəbər verir ki, Azərbaycan Avtomobil Yolları Dövlət Agentliyi (AAYDA) bununla bağlı məlumat yayıb.Məlumata görə, məhdudiyyət oktyabrın 2-si saat 14:00-dan qüvvəyə minəcək. Təmir işləri Zığ şossesinin beton yol hissəsində, “MİDA” Yaşayış Kompleksinə aparan avtomobil yolunda, həmçinin kompleksdən Zığ şossesinə və hava limanı istiqamətində çıxış yolunda həyata keçiriləcək.Agentlik sürücülərə həmin ərazilərdən keçərkən diqqətli olmalarını və mümkün olduğu halda alternativ marşrutlardan yararlanmalarını tövsiyə edib.
Sürücülərdən yollarda aparılan təmir işlərini nəzərə almaları və hərəkət zamanı yol hərəkəti qaydalarına uyğun davranmaları xahiş olunur.
