Azərbaycanın İnsan Hüquqları üzrə Müvəkkili postunda dəyişikliklə bağlı proses yaxın aylarda gündəmə gələ bilər.
Hazırkı Ombudsman Səbinə Əliyevanın 7 illik səlahiyyət müddəti bu ilin noyabrında tamamlanır. O, 2019-cu il noyabrın 29-da Milli Məclisin qərarı ilə bu vəzifəyə seçilib.
Qanunvericilik Ombudsmanın fəaliyyət müddətini 7 illə məhdudlaşdırır. Eyni şəxsin Müvəkkil vəzifəsinə ən çox iki dəfə seçilməsi mümkündür.
Bununla yanaşı, yeni Ombudsman səlahiyyət müddətinin başa çatdığı gün seçilməzsə, hazırkı Müvəkkil yeni təyinatadək fəaliyyətini davam etdirə bilər. Bu halda onun səlahiyyətləri yeni Ombudsmanın seçildiyi tarixdə başa çatır.
Məsələnin gündəmə gəldiyi bir vaxtda Ombudsmanın əməkhaqqı ilə bağlı da mühüm qərar qəbul edilib. Milli Məclisin sentyabrın 30-da keçirilən iclasında Müvəkkilin aylıq vəzifə maaşının 3 060 manatdan 12 min manatadək artırılmasını nəzərdə tutan qanun layihəsi ikinci oxunuşda təsdiqlənib.
Beləliklə, noyabr ayında həm Səbinə Əliyevanın Ombudsman kimi fəaliyyətinin 7 ili tamamlanacaq, həm də növbəti Müvəkkilin seçilməsi məsələsi diqqət mərkəzində olacaq.
