Qanunvericilik sağ tərəfdən ötməyə yalnız müəyyən halda icazə verir
Elpress.az xəbər verir ki , “Yol hərəkəti haqqında” Azərbaycan Respublikasının Qanununa əsasən, nəqliyyat vasitələrinin ötmə manevri, bir qayda olaraq, sol zolaqdan həyata keçirilməlidir. Qanunvericilik relssiz nəqliyyat vasitələrinin qabaqlanmasının əsasən sol tərəfdən aparılmasını tələb edir.Bununla belə, bu qaydanın istisnası da mövcuddur. Belə ki, əgər qarşıda hərəkət edən nəqliyyat vasitəsinin sürücüsü sola dönəcəyini əvvəlcədən dönmə siqnalı ilə bildirərək manevrə başlayıbsa, həmin avtomobili sağ tərəfdən ötməyə icazə verilir.Mütəxəssislər bildirirlər ki, belə hallarda sürücülər manevr etməzdən əvvəl yol şəraitini diqqətlə qiymətləndirməli, digər hərəkət iştirakçılarının təhlükəsizliyini nəzərə almalı və yol hərəkəti qaydalarına ciddi əməl etməlidirlər.
