Yeni planda atəşkəs, qoşunların geri çəkilməsi və bufer zonasının yaradılması nəzərdə tutulur
Elpress.az xəbər verir ki, Ukrayna ABŞ və Avropa ölkələri ilə birgə Rusiya-Ukrayna müharibəsinin dayandırılmasına yönelik yeni plan hazırlayıb.Ukrayna Prezidenti Volodimir Zelenskinin sözlərinə görə, sənəd ABŞ Prezidenti Donald Trampın nümayəndələri və Avropa rəsmiləri ilə aparılan müzakirələr əsasında hazırlanıb.Plana əsasən, ilk mərhələdə atəşkəsin elan edilməsi, Rusiya və Ukrayna qoşunlarının cəbhə xəttindən qarşılıqlı şəkildə geri çəkilməsi və azad ediləcək ərazidə bufer zonasının yaradılması təklif olunur.Zelenski bildirib ki, ABŞ tərəfinin əlavə təklifləri də mövcuddur və Kiyev onların təqdim edilməsini gözləyir. Daha əvvəl Ukrayna Prezidenti müharibənin dayandırılması ilə bağlı öz təkliflərini ABŞ tərəfinə təqdim etdiyini açıqlamışdı.
