Marneulidə yaşayan azərbaycanlı gənclərin dil biliklərinin artırılması və cəmiyyətə inteqrasiyasının dəstəklənməsi istiqamətində tədris proqramı davam etdirilir.
Elpress.az xəbər verir ki, Gürcüstan Azərbaycanlılarının İnteqrasiya Mərkəzində (GAİM) yeni qəbul olunan gənclər üçün gürcü dili kursları təşkil olunur.
Dərslər ixtisaslı müəllimlər Lia Xaraişvili və Zülfinaz Əliyeva tərəfindən keçirilir. Tədris məşğələləri həftənin müxtəlif günlərini əhatə edir.
Lia Xaraişvilinin dərsləri bazar ertəsi saat 12:30-dan 13:30-dək, şənbə və bazar günləri isə saat 12:30-dan 14:30-dək keçirilir.
Zülfinaz Əliyevanın rəhbərlik etdiyi məşğələlər həftənin bazar ertəsi, çərşənbə və cümə günləri saat 13:00-dan 15:00-dək, şənbə və bazar günləri isə saat 13:00-dan 17:00-dək davam edir.
Kurslar gənclərin gürcü dilində ünsiyyət bacarıqlarının inkişaf etdirilməsinə, gündəlik həyatda dil imkanlarının genişləndirilməsinə və yaşadıqları cəmiyyətə daha fəal inteqrasiya etmələrinə xidmət edir.
