İran ordusunun komandanı ölkənin istənilən təcavüzə cavab verəcəyini bildirib
Elpress.az xəbər verir ki, İran ordusunun komandanı Əmir Hatəmi ölkəsinin hər hansı xarici təcavüzə qarşı mübarizəyə hazır olduğunu açıqlayıb.Hatəmi bildirib ki, İran düşmən qüvvələrinin ölkəni öz planları üçün sınaq meydanına çevirməsinə imkan verməyəcək. Onun sözlərinə görə, İran silahlı qüvvələri ölkənin müstəqilliyini, ərazi bütövlüyünü və təhlükəsizliyini müdafiə etməyə hazırdır.İran ordusunun komandanı qeyd edib ki, ölkəsi öz maraqlarını qorumaq üçün uzunmüddətli mübarizəyə hazırdır. O, “on nəsil, iyirmi nəsil döyüşəcəyik” ifadəsini işlədərək, düşmənin güc yolu ilə öz məqsədlərinə çatmasına imkan verməyəcəklərini vurğulayıb.Hatəmi həmçinin bildirib ki, İran silahlı qüvvələrinin əsas məqsədlərindən biri qarşı tərəfin planlarını pozmaq və ölkəyə kənardan müdaxilə edilməsinin qarşısını almaqdır.
