Aysel Əlibəyli
09 Oktyabr 2026 · 21:02
1010 baxış
Paytaxtda oktyabrın 11-də beynəlxalq tədbirə hazırlıqla əlaqədar nəqliyyatın hərəkəti üzrə təlim keçiriləcək. Sürücülərə səfərlərini əvvəlcədən planlaşdırmaq tövsiyə olunur.
Elpress.az xəbər verir ki, Daxili İşlər Nazirliyinin mətbuat xidmətinin məlumatına görə, təlim nəqliyyat axınının təhlükəsiz və səmərəli idarə olunmasının təmin edilməsi məqsədi daşıyır.
Oktyabrın 11-də saat 08:00-dan 13:00-dək paytaxtın bir sıra küçə və prospektlərində nəqliyyatın hərəkəti müvəqqəti tənzimlənəcək.
Təlimin əhatə edəcəyi yollar aşağıdakılardır:
- Mehdi Hüseyn küçəsi
- İstiqlaliyyət küçəsi
- Neftçilər prospekti
- Zərifə Əliyeva küçəsi
- Üzeyir Hacıbəyli küçəsi
- İzzəddin Həsənoğlu küçəsi
- Yusif Səfərov küçəsi
- Heydər Əliyev prospekti
- Gülarə Qədirbəyova küçəsi
- Niyazi küçəsi
Nazirlik sürücülərə və digər yol hərəkəti iştirakçılarına həmin saatlarda mümkün sıxlığı nəzərə almağı, səfərlərini əvvəlcədən planlaşdırmağı və alternativ marşrutlardan istifadə etməyi tövsiyə edib.
