Musson yağışları və tropik siklonların yaratdığı fəlakət 8 milyona yaxın sakinə təsir edib
Elpress.az xəbər verir ki, Filippində son bir ay ərzində yağan güclü musson yağışları və tropik siklonlar genişmiqyaslı daşqınlara səbəb olub.Təbii fəlakətlər nəticəsində 32 nəfər həyatını itirib, 3 nəfər isə itkin düşüb. Hadisələrdən ən çox ölkənin şimalında yerləşən Luson adası zərər çəkib. Təxminən 26 min sakin təhlükəsizlik məqsədilə yaşayış yerlərindən təxliyə edilərək müvəqqəti sığınacaqlara yerləşdirilib.Daşqınlar ölkə üzrə 8 milyona yaxın insanın həyatına təsir göstərib. Güclü yağışlar və torpaq sürüşmələri nəticəsində 2 900-dən çox ev, həmçinin yollar və körpülər dağılıb və ya zərər görüb. İlkin hesablamalara əsasən, təbii fəlakətin ölkəyə vurduğu maddi zərər təxminən 100 milyon dollar təşkil edir.Meteoroloqlar musson yağışlarının davam edəcəyini bildiriblər. Bununla əlaqədar hakimiyyət orqanları fəlakətdən zərər çəkmiş ərazilərdə təhlükəsizlik tədbirlərini gücləndirilmiş rejimdə davam etdirir.
