Aysel Əlibəyli
26 İyul 2026 · 21:07
1026 baxış
Banqladeşdə Donald Trampa bənzədildiyi iddia edilən albinos öküzün kəsilməsinə icazə verilməyib.
Elpress.az xəbər verir ki, Banqladeşdə zahiri görünüşünə görə ABŞ Prezidenti Donald Trampa bənzədildiyi iddia olunan nadir albinos öküzün Qurban bayramında kəsilməsinə icazə verilməyib.Təxminən 700 kiloqram çəkisi olan heyvan əvvəlcə fermadan qurbanlıq üçün satın alınıb. Lakin onun fotoları sosial şəbəkələrdə yayıldıqdan sonra çox sayda insan öküzü görmək üçün fermaya axışıb və ərazidə izdiham yaranıb.Yaranmış vəziyyəti nəzərə alan Banqladeş Daxili İşlər Nazirliyi təhlükəsizlik və ictimai maraq baxımından heyvanın kəsilməsinə icazə verməyərək onun qorunması barədə qərar qəbul edib.
