Pakş Atom Elektrik Stansiyasının tam gücü ilə fəaliyyətini bərpa edəcəyi tarix açıqlanıb
Elpress.az xəbər verir ki, Macarıstanın Pakş şəhərində yerləşən Atom Elektrik Stansiyasının (AES) avqustun 26-da tam gücü ilə fəaliyyətini bərpa etməsi gözlənilir.
bu barədə Macarıstanın Baş naziri Peter Madyar məlumat verib. O, Dunay çayında suyun səviyyəsinin kəskin azalması səbəbindən fəaliyyəti dayandırılan 3 saylı enerji blokunun yenidən işə salınması prosesində iştirak edib.Hazırda 3 saylı enerji blokuna aid 6 saylı turbinin elektrik şəbəkəsinə qoşulmasına başlanılıb. Baş nazirin sözlərinə görə, turbinin tam gücə çatdırılması prosesi təxminən 49 saat davam edir və hazırda son mərhələyə keçilib.Son həftələr ərzində stansiyanın səkkiz turbinindən yalnız ikisi işləyib və təxminən 500 meqavat elektrik enerjisi istehsal olunub. Üçüncü turbinin yenidən fəaliyyətə başlaması üçün AES yaxınlığında Dunay çayında suyun səviyyəsinin yüksəldilməsi və çayın dibində xüsusi maneənin yaradılması təmin edilib.Qeyd olunur ki, Avropada müşahidə olunan anomal isti hava və quraqlıq nəticəsində Dunay çayında suyun səviyyəsinin aşağı düşməsi Pakş AES-in dörd enerji blokundan üçünün müvəqqəti dayandırılmasına səbəb olub. Daha əvvəl stansiyanın tam gücü ilə avqustun 27-28-də fəaliyyətə başlayacağı bildirilmişdi.
